tao lang ako...

Tao lamang ako…
at bilang isang tao,
gustuhin ko mang mapasaya ang buong mundo,
alam kong hindi ko ito magagawa, ngunit kung lamang may pagkakataon,
hindi ko sasayangin ang ibinigay na panahon,
Gagawin ko.

May kakayahan akong makasakit
katulad ng kakayahan kong masaktan,
may kakayahan akong mamerwisyo
katulad ng kakayahan kong tumulong,
may kakayahan akong sumuko
katulad ng kakayahan kong lumaban,
may kakayahan akong mabigo
katulad ng kakayahan kong magtagumpay,
may kakayahan akong maging mailap
katulad ng kakayahan kong maglambing,
at may kakayahan akong magalit
katulad ng kakayahan kong magmahal.

Hindi ako ipinanganak na may perpektong kulay,
hindi ako ipinanganak na may perpektong buhay,
hindi ako ipinanganak na isang perpektong nilalang…
at kung makakasalubong niyo man ako sa daan at titingnan,
para bang punung-puno ng galak at kasiyahan
pero, subukan niyo sanang pagmasdan,
inyong matutunghayan na sa likod ng aking mga ngiti,
isang puso ang nagsusumamo at humihingi ng saklolo,
isang puso ang critical at ang patuloy na nagdurugo.

Hindi ako perpekto,
at aminado ako.
ngunit, hindi ako masamang tao
para husgahan ng mundo…
kaya sana, kahit isang araw lng,
masubukan mong maging ako
para maranasan mo kung gaano kasakit
ang mahusgahan ng todo.

Kinailangan kong maging isang bayani sa napaka agang panahon,
ngunit, ang sarili ko ay nangangailangan din ng tulong,
ng isang huwarang bayani, at isang dakilang tagapagligtas…
at umaasa sa pagdating ng panahon
na ang sugatang puso ay unti-unti nang maghihilom.