“Blood is thicker than water!”
Familiar ka ba sa kasabihang iyan?
Ano ba talaga ang ibig sabihin ng salitang, “pamilya”? At anu-ano o sinu-sino ang bumubuo dito?
Bawat tao sa mundo ay biniyayaan ng mga taong masasabi nila na kanilang kapamilya. Wala kahit isang tao o kahit isang hayop ang ipinanganak sa mundo na walang pamilya.
Ang pamilya ay binubuo ng tatlong parte… AMA, INA, at ANAK bonus na lang kung mayroon kang kapatid na maaari mong tawaging kuya (mas nakatatandang lalake), ate (mas nakatatandang babae) o ang inyong “bunso” (na maaaring tawagin sa kanyang sariling pangalan).
Ang pamilya ang ginamit ng Diyos upang magsilbing daan para maipanganak sa mundo ang isang nilalang na may buhay. Ibig sabihin kahit hindi tao katulad ng hayop at mga halaman ay may masasabing “kapamilya”.
“ano ang pinagmulan ng pamilya?”
Siyempre anu pa ba? Edi pagmamahal ng lalake at babae, dahil sa pagmamahal na ito ay may gagawin sila. Kung anuman ang gagawin nila ay alam na yun ng mga taong hindi na minor o mga nasa legal age na. Pagmamahal ang nagudyok sa isang lalake at isang babae na may gawin (anu pa ba? Yun na yun) at ito ay nabubuo sa isang babae at nagiging fetus, sanggol hanggang maging isang ganap… GANAP NA TAO! (para sa tao at ganap na hayop para sa hayop.. )
“ano o anu-ano ang papel ng pamilya?”
Kadalasan, ang pamilya ang takbuhan mo noong bata ka pa tuwing may umaaway sayo, tutulong para mahilom ang sugat mo kapag nadapa ka, taga hugas ng pwet mo, sabihan mo ng mga secreto katulad ng “crushes” kapag may natipuhan ka nang lalake o babae, taga-pagtanggol mo kapag wala kang kakampi at ginago ka ng mga taong pinagkatiwalaan mo – mga taong inasahan mo, sandalan mo kapag tinalikuran ka na ng mundo…. Yan ay ilan lamang sa mga papel ng isang pamilya sa buhay ng isang “kapamilya”.
Pero alam niyo ba na hindi lahat ng kapamilya ay may ganitong uri ng personalidad o paguugali? OO! Tama ang nabasa niyo. Hindi lahat ng pamilya ay dadamayan ka kapag may problema ka, hindi lahat makikitawa at makikiiyak sayo, hindi lahat mauunawaan at uunawain ka, hindi lahat pakikinggan at paniniwalaan ka, hindi lahat itataas ka tuwing may mga taong umaapak sayo, hindi lahat pipiliting hilumin ang sugat mo kapag parang naghihingalo ka na, hindi lahat aakuin ka financially, morally at maging spiritually hanggang maging isa kang ganap… GANAP NA TAO… iba-iba ang klase ng tao... iba-iba ang pamamaraan nito... hindi lahat pare-pareho! kaya para sa mga maganda ang uri ng pamilya mailagay man sa saya at lungkot, ito lang ang masasabi ko sayo… MAPALAD KA! At para naman sa mga hindi lubos na pinagpala upang magkaroon ng ganitong uri ng pamilya siguro isa lang ang inisip mo nung mga panahong lumipas na o ngayong mga panahong ito, “sana iba na lang ang naging pamilya ko…”
Tutukan niyo toh’ wag niyong alisin ang mga mata niyo sa binabasa nyo….
Para sa mga nasabi o nasasabi sa ngayon na “sana iba na lang ang naging pamilya ko!” o “sana sila na lang ang naging pamilya ko!” ito ang para sayo:
Tumingin ka sa paligid mo…. Makikita mo din ang nakita ko’ Walang taong perpekto. Sapakat kung siguro may mga taong perpekto sigurado ako na may mga pamilya din na perpekto. Ngunit ngayon, sa ating lipunan o sa ating mundo binubuo tayo ng mga taong maraming naggawang masama, mga taong hindi naging perpekto sa kanilang pamumuhay. Katulad nyo ako dati, pero sana wag nating hayaan at wag natin ipaubaya sa ating pamilya ang paghubog sa ating katauhan. GAYUNPAMAN, TAYO PA RIN ANG GAGAWA NG ATING KINABUKASAN, ng ating kapalaran…. At nasa atin pa din ang maaaring maging kapalaran ng ating mgiging anak at “pamilya”.
Para sa mga nagbabalak na maging magulang (at sa mga malilibog) ito naman ang para sa inyo:
Madali lamang maging isang magulang, ngunit ang hubugin ito at palakihing isang mabuti at marangal na tao ay isang hamon na hindi lahat ng magulang ay naisasakatuparan… sapagkat kung siguro lahat ng magulang ay nagtagumpay sa hamon na ito, marahil… lahat ng tao na naninirahan at namumuhay sa ating lipunan ay may marangal na pamumuhay. kaya bago niyo sana hubarin ang panty at brief nyo pagisipan nyo muna hindi lang isa, hindi lang dalawa kundi maraming beses. Madali mang gumawa ng bata ngunit hindi madaling maging ama’t ina…
Mga magulang (sa ngayon)…
Isa kayo sa million million o billion billiong tao na napili ng Diyos na biyayaan ng anak at isang pamilya. Bilang mga magulang ng bawat anak, sana ngayon na ang maging simula ng tamang pag-gabay ng bawat magulang sa kani-kanilang mga anak upang maging isa sa mga mararangal at matatagumpay na laman ng ating lipunan.
“Lahat ng tao na ipinanganak at ipapanganak sa ating mundo ay karapatdapat at may karapatan na magkaroon ng buo, matino, at masayang pamilya!” -CLMM
[Have a happy and a blessed FAMILY! :D]
No comments:
Post a Comment