REMEMBER ME THIS WAY


Friday, February 26, 2010

Kapatid

Sinasabi na lahat tayo ay magkakapatid, lahat tayo ay magkakapamilya at magkakapuso… pero iba ang tibok ng ♥puso♥ kapag hindi tunay na kapamilya. Maaari man nating ituring na kapatid o kapamilya ang bawat isa ngunit iba pa din na may dugong nag-uugnay. Kumbaga, mas matimbang pa din ang dugo kaysa sa tubig.

Iba’t-iba ang anino ng ”kapatid”

Habang naglalakad kami noon ay may nakita kaming iba’t-ibang kulay ng sako, iba’t-ibang laki, iba’t-ibang disenyo, may iba’t-ibang timbang, may iba’t-ibang kulay, at may iba’t-iba din itong porma… may nakatayo, may nakahiga, at meron ding nakatabingi. Noon naman na pumunta kami sa Robinson para tumingin ng damit, doon nakita ko ang iba’t-ibang klase ng damit, iba’t-iba ang sukat, ang kulay, disenyo, porma, at iba’t-iba din ang maaaring magsuot. Noon naman na pumunta kami sa “SM mall of Asia” sa dami ng SM na napuntahan namin ay nasabi ko na, ”Ang laki-laki naman ng MOA…” sabi naman ng kasama ko: ”Oo naman… kaya nga ‘Mall Of Asia’ eh… ito ang pinaka-malaking Mall sa Asia.” Sa madaling salita, maraming mall at SM sa buong mundo o kahit sa Pilipinas lang, pero may iba’t-ibang laki, iba’t-iba ang pangngalan o pangalan, ang lugar na kinasasakupan o kinalalagyan… In short, iba’t-iba.

Kung nagtataka man kayo kung bakit mga bagay na nakikita ko ang mga binabanggit ko kahit ang usapan ay tungkol sa kapatid, dahil ito sa napansin ko na kahit mismong mga simpleng bagay lang na nakapaligid sa atin ay may mga ipinahihiwatig, katulad na lamang ng mga bra ng ate o nanay mo na nakakalat, yung isa naiwan niya sa kusina at yung isa sa banyo, kapag ikinumpara mo ang dalawa niyang bra na magkaiba ng kulay ay ginamitan mo na yun ng analysis, sa ganitong paraan, may bago ka nang realization na dalawang bagay na magkapareho ay mayroon din kaibahan, o individuality. Parang MGA KAPATID, may iisang salita, iisang diwa, iisang tiyan ang pinagmulan kapag CS o cesarean, iisa lang ang tawag ngunit magkakaiba… HINDI PARE-PAREHO.

Dati man ay naikukumpara ko ang kapatid ng iba sa meron ako, at dati man akong naiinggit sa kapatid ng iba na puwedeng makipagbiruan, yung puwede makausap sa lungkot at saya, yung maaaring dumamay, humarap sa problema, kaya akong ipagtanggol, i-build up, at ipagmalake… Mga kapatid ng iba na nagtataglay ng katangiang malayo, napaka-layo’ sa meron ako. Pero katulad ng mga tao na tulad ko din, may iba’t-ibang katangian ang bawat isa na dapat nating tanggapin at irespeto, kasalungat man ito sa meron tayo at sa pinapangarap natin.


Siguro, yun ang pinaka-masaklap sa buhay na kailanman ay hindi mapuputol ang ugnayan ng dugo sa mga pinili ng maykapal na maging karugtong nito. Ngunit, ano pa man, katulad ng mga sako, ng mga damit, ng mga Mall, ng mga bra, at iba pang mga simpleng bagay na nasa kapaligiran natin, ito ay idinisenyo ng maykapal at isinadya na magka-kaiba. Pare-pareho man ang katawagan ngunit meron parin itong kaibahan.

Samakatuwid, magiging ganap na masaya at lubos na maligaya lamang ang isang indibiduwal kapag tuluyan na nitong natanggap ang indibidualidad o individuality ng bawat isa, maging ito man ay siyang nakalaan upang kanyang maging KAPATID.


Share/Bookmark


NOTE: For comments, do not use 'add a comment' via facebook. It wouldn't be received by the blogger. Use default instead by clicking 'x comments' and/or 'Post a comment' below:


No comments:

Post a Comment

Blog Archive

All Rights Reserved!
 
It is the PRINCIPLES that mold the REALITY...
Copyright (c) 2008