REMEMBER ME THIS WAY


Tuesday, April 6, 2010

Parallel

,,Iba't-iba ang pag-iisip ng mga tao, merong malalim, malawak, makitid, mababaw at katamtaman lamang. Kadalasang sinasabi na kapag makitid ka o di kaya ay isa lamang sa mga nagtataglay ng katamtaman na pag-iisip ay wala kang patutunguhan, at dagdag pa nila na ang "kababawan" ay para sa mga bata lamang dahil sa pagtanda ng isang tao sa kanyang edad, dapat ding tumatanda at tumataas ang kanyang antas ng pag-iisip kasabay ng kanyang sariling emosyon. Dapat na mas lumalawak at mas lumalalim ang kanyang kaalaman, dapat na mas kumakapal pa lalo ang kanyang pagmumukha, tumatatag ang kanyang kalooban, at tumitibay ang kanyang sikmura upang matanggap ng mundo bilang isang bagong tao, matured at "grown-up".

Remember this: Growing Old is different from Growing Up!



Sa tuwing pumapasok ako sa kababawan at paminsan-minsan na tinatalikuran ang kalaliman at kalawakan, napapansin ko na bihira lamang ang mga taong nagagawa akong akuin, nagagawa akong respetuhin... Madalas akong isinasantabi, ginagago, iniinsulto at halos paglaruan. Yun ang nakilala ko na tunay na daigdig... Ang mga taong umaakala na isa ka lang din sa mga taong mabababa ang kaisipan, ay ang mga tao na malabong mabigyan ka ng malalim at nararapat na paggalang sapagkat marahil, ito ay dahil para sa kanila isa ka lamang "maliit" na uri ng nilalang, madaling tirisin na parang mga kuto, sipa-sipain na parang mga kuting, dura-duraan na parang mga basura at tapak-tapakan na parang mga tae sa kalsada.

Habang sinusubok ng mga taong nakakasalamuha ko ang antas ng aking pag-iisip, habang samu't-saring pamimintas at pang-iinsulto ang aking natitikman,
napa-isip ako...

"Paano ba maging isang mataas na tao para sa paningin ng iba?"


1.) Dapat ba na magaling ka sa mga asignatura?

2.) Mahusay ba dapat mag-damit na tipong nakaka-WOW sa mga kalalakihan? (kung isa kang babae)

3.) Ang dapat ba ay yung tipong punung-puno ang mukha mo ng make-up?

4.) Yung lagi kang nakasuot ng mataas na heels?

5.) At parang lageng mag-papa-picture taking?





Simple lang akong tao, MABABAW dahil mga simpleng bagay lamang ang ikinaliligaya ko, MALALIM dahil mahilig akong mag-isip at bigyang-buhay ang mga bagay na para sa iba ay walang kabuluhan, katulad na lamang ng kahalagahan ng "bato" na marahil hindi lahat ay nasusulyapan.

Hindi ko na kailangan pang idetalye sa buong kapulungan kung paano ako tumayo at namuhay bilang "ako", bilang isang tao. Wala na akong pake kung isipin man ng lahat na "mababa" ako... Basta hanggang kaya kong magpatawad, rumispeto, at magmahal bilang isang ganap na tao, gaano man ako "kababa" sa paningin ng iba, mananatili pa din akong mataas... sapagkat mananatili pa din ako sa paglipad.



Share/Bookmark


NOTE: For comments, do not use 'add a comment' via facebook. It wouldn't be received by the blogger. Use default instead by clicking 'x comments' and/or 'Post a comment' below:


2 comments:

Blog Archive

All Rights Reserved!
 
It is the PRINCIPLES that mold the REALITY...
Copyright (c) 2008